أنا بالنسبة الي كانت سنة زي كل السنين اللي قبل (بس بلاش) لأ كانت سنة غريبة يعني ما رح اشتاقلها بس برضو مستحيل انساها.إن شاء الله ما نشوف هالشوفات بالجامعة بس نصير سنافر إذا كنت توجيهي رح تفهم اللي رح احكي هلأ بس اذا لسه ما صرت فأنا بهيأك نفسيا و توكلوا على الله يا شبااااب.....
من أوائل الأسئلة اللي بتنطرح على طالب التوجيهي: علمي و لا IT؟؟ ما في اشي اسمو أدبي, فندقي, زراعي......الخ أنا أدبي و بكره هاد السؤال كتير لأنو بس أجاوب بحكولي لييييش؟؟ شو ليش؟ اسفة و الله و انا صغيرة امي وقعتني على راسي فصرت متخلفة! يعني طالب الأدبي غبي و العلمي عبقري او ال IT بفهم بكل شي؟!! ليش ما يسألو انت اي فرع و خلص؟
من القصص الطرمة اللي سمعتها ييييييييه توجيهي؟ شو بتسوي هون روح ادرس (كائنات التوجيهي لا يلزمها الترفيه عن نفسها و لا بأي شكل من الاشكال) بعدين في ناس بس قاعدة تهوي يعني بس شغل هواية عندهم مش اكتر لا بدهم مصلحتك و لا زفت!
و طبعا غير التنظير اللي من الأهل و الاصحاب و الجيران و صاحب الدكانة و سواق التكسي و شرطي السير و الداية أم عطا الله و و و و و الخ
وانسوا الهوايات اللي بتصير عندك زي الصفنة لمدة ساعة متواصلة بالحيط و الكتاب مفتوح على صفحة غلط!! و أي اشي أي اشييي مسلي بكون مثلا كنت احيانا احضر التلفزيون الاردني -_- (يلعن ابو الزهق)!
أما عن الوزارة و الامتحانات فهاي لحالها بدها مدونة كاملة! مش بس موضوع! و يا ريت يتطور عنا هالنظام السخيف اللي 50% بعتمد على نفسية المصلحين و 20% عالحظ والدراسة و الباقي على الواسطة لما بعد التوجيهي و قبول الجامعات.
و الله بعين!!!
ليست هناك تعليقات:
إرسال تعليق